الصفحة الرئيسية › اقتصاد

اقتصاد معز الجودي يكتب عن أسباب افلاس شركة فسفاط قفصة

نشر الخبير الاقتصادي معز الجودي تدوينة كسف فيها عن أسباب افلاس شركة فسفاط قفصة والذين افلسوها كما يلي:

"تحبو تشوفو الأنتيسيستام والشعب يريد واسترجاع الثراوات وطرد الكفاءات وين إوصلوا؟! ما عليكم كان تشوفو الوضع الكارثي إلي وصلتلو شركة فسفاط قفصة!! شركة كانت تنتج في 8 مليون طن و تفضل في مليار دولار تتعبا بيهم خزينة الدولة بش تتصرف الشهاري و تتمول مصاريف الدعم وترجع القروض السابقة، أصبحت عاجزة تماما و ماهيش قادرة حتي بش تخلص خدامتها و قطع غيار ماكيناتها!! شركة و مجمع إفلقو فيهم منذ 2011!! كل واحد خذا بايو و قالك الدولة لازمها تسيبلنا ثراواتنا و تخرج من عنا و إنطيحو الوالي و المدير العام و كل شخص يقترح إصلاح جدي و إعادة الإنتاج!!

خليونا نتمعشو و نعتصمو و نوقفو الإنتاج و نسيرو نحنا!! هاو وين وصلنا اليوم: شركة وطنية بركوها و بش يقعدو إنفسو فيها بفلوس دافعي الضرائب و بالمديونية و بالقدرة! أما المرة هاذي وقفت الزنقة للهارب و المعبد سوف ينهار و تنهار معه البلاد إذا واصلنا علي هذا المنوال!"